Тошкент, Ўзбекистон (UzDaily.uz) -- Тошкент вилояти Тошкент тумани “чоштепа” ҚФЙ ҳудудида “Ўзсаноатқурилишбанк”нинг молиявий кўмагида “Америан Ҳоспитал” – юрак ва бош мия қон-томир касалликларига ихтисослашган замонавий хусусий клиника ишга туширилди.

Шифохонага 1,5 миллион доллар ҳажмида тўғридан-тўғри хорижий инвестисия киритилиб, ушбу маблағлар АҚшдан энг сўнгги русумдаги тиббиёт ускуналарини олиб келишга йўналтирилди.

Клиникага ишга жалб қилинган юздан зиёд тиббиёт ходимлари орасида эса хорижда яшаб, профессионал фаолият юритаётган ватандошларимиз, шунингдек чет эллик мутахассисларнинг ҳам мавжудлиги алоҳида аҳамиятга моликдир.

Замонавий услубда ташхислаш ҳамда стасионар даволаш бўйича барча шароитларга эга мазкур шифохонада ҳозирча 55 нафар беморнинг ётиб даволаниш имкони мавжуд.

– Давлатимиз раҳбарининг “Соғлиқни сақлаш соҳасида хусусий секторни янада ривожлантириш чора-тадбирлари тўғрисида”ги қарори ҳамда хорижий инвесторларни қўллаб-қувватлаш борасида олиб бораётган ислоҳотлари замонавий клиникалар доирасини кенгайтиришга кенг йўл очмоқда, – дейди қўшма корхона тасисчиси Нодир Ёдгоров. – шифохонамиз ҳам мазкур қарорда белгиланидек, “Ўзсаноатқурилишбанк” кредити ҳамда туркиялик инвесторларнинг тўғридан-тўғри жалб қилган сармоялари ҳисобига ишга туширилди. Турли солиқ ва божхона тўловлари бўйича имтиёзларга эга бўлди.

Замонавий клиникадаги барча жиҳозлар дунёнинг нуфузли компанияларида ишлаб чиқарилган технологик ускуналардир. Келгусида у эрга хорижий инвесторлар томонидан яна 1,0 миллион доллар инвестисия киритиш мўлжалланган. Бу юрак қон-томир касалликлари бо’йича жарроҳлик амалиётларининг янада мураккаб турларини ўтказишга имконият яратади.

– Мамлакатингизда Президент Ш.Мирзиёэв бошчилигида хорижий инвесторлар учун яратилган қулай шароитлар мана шундай йирик лойиҳаларнинг ҳаётга татбиқ этилишига омил бўлмоқда, – дейди ҳиндистонлик шифокор Раҳул Кумар Динак. – Айниқса, хусусий тиббиёт муассасаларида ишлаш учун жалб этилаётган хорижий шифокорлар ҳамда техник мутахассислар билан тузиладиган меҳнат шартномалари бўйича кўзда тутлиган имтиёзлар мен қатори кўпчилик чет эллик мутахассислар қизиқишини тортмоқда.

Юқоридаги ишлар шифохона фаолияти билан боғлиқ лойиҳанинг дастлабки босқичида амалга оширилди. Навбатда онкология ва нейрохирургия марказини барпо этилиб, яна бир йирик тиббий мажмуа фаолиятига асос солиниши кўзда тутилган.

Манбаа: Саноат қурилиш банк Ахборот хизмати.