Ташкент, Узбекистан (UzDaily.uz) – Алишер Навоий номидаги Тошкент давлат ўзбек тили ва адабиёти университетида Туркиянинг Ҳожи Байрам Валий университети ва Озарбайжон Фанлар Академияси Насимий номидаги Тилшунослик институти билан ҳамкорликда вебинар бўлиб ўтди.

Онлайн-семинарда Ҳожи Байрам Валий универстети профессори Лейла Караханнинг “Туркий тиллар тарихи”  мавзусидаги маърузаси тингланди.

Профессор Лейла Карахан ўз маърузасида қадимги даврдан ХИХ асргача бўлган манбалар ҳақида батафсил маълумот берди. Бундан ташқари Алишер Навоийнинг “Муҳокаматул луғатайн” асарига тўхталиниб, унинг туркий тиллар тарихини ўрганишда юқори аҳамиятга эга эканлиги таъкидланди.

Манба: Олий ва ўрта махсус таълим вазирлигининг расмий телеграм канали.