Тошкент, Ўзбекистон (UzDaily.uz) — «UzAuto Motors» акциядорлик жамияти тарихий ютуққа эришди — Асакадаги автозавод конвейеридан юбилей сифатида беш миллионинчи автомобиль тушди.

Бу автомобиль замонавий ва ишончли Onix бўлди.

Бу кўрсаткич корхонанинг изчил тараққиёти, ишлаб чиқариш қувватларининг босқичма-босқич кенгайиши ва моделлар туркумини кенгайтиришдаги муваффақиятларини акс эттиради.

Эслатиб ўтамиз:

Бир миллионинчи авто — Lacetti — 2008 йилда ишлаб чиқарилган;

Икки миллионинчи авто — Gentra — 2014 йилда;

Учинчи миллион — Spark — 2018 йилда;

Тўрт миллионинчи автомобиль — Tracker — 2022 йилда ишлаб чиқарилган эди.

Энди эса, 2025 йилда, беш миллионинчи автомобиль сифатида Onix UzAuto Motors тарихидаги янги босқич рамзига айланди.