Тошкент, Ўзбекистон (UzDaily.uz) — Миллий .UZ домен зонаси янги рекордни қайд этди — рўйхатдан ўтган доменлар сони 140 000 ошди.

Бу натижа Ўзбекистоннинг рақамли макони учун муҳим босқич бўлди. Бир неча йил аввал доменлар сони фақат ўн минглаб эди, бугун эса бу кўрсаткич бир неча баравар ўсиб, миллий зонага бўлган қизиқишнинг ортиб бораётганини яққол намоён қилмоқда.

Рўйхатлар сонининг кўпайиши .UZ доменини бизнес, давлат ташкилотлари ва оддий фойдаланувчилар учун асосий воситага айлантирмоқда. Ҳар бир янги домен номи билан мамлакатнинг рақамли инфратузилмаси мустаҳкамланиб, онлайн хизматлар, электрон тижорат ва инновацион лойиҳалар учун янада ривожланган экотизим шаклланмоқда.

140 000 чегара енгиб ўтилгани миллий домен зонасига бўлган талаб ва ишончнинг ортиб бораётганини кўрсатмоқда. Бу эса Ўзбекистоннинг рақамли ривожланишида муҳим омиллардан бирига айланмоқда.