Тошкент, Ўзбекистон (UzDaily.uz) -- Озарбайжоннинг SOCAR ва Буюк Британиянинг BP компаниялари Устюрт ҳудудидаги учта инвестиция блокида геологик разведка ишларини олиб боради. Бу ҳақда «Ўзбекнефтегаз» матбуот хизмати тарқатган хабарга таянган ҳолда Kun.uz маълум қилмоқда.

Манбанинг келтиришича, «Ўзбекнефтегаз» АЖ бошқаруви раисининг биринчи ўринбосари Улуғбек Сайидов SOCAR вице-президенти Б. Гусейнов ва ВР компаниясининг нефть тизимлари бўйича катта мутахассиси А. Жавадов билан мазкур масалани муҳокама қилган.

Хабарга кўра, мазкур компаниялар билан ҳамкорлик қилиш Ўзбекистон нефть-газ саноати учун устувор ҳисобланади.

Инвестиция блоклари бўйича тақдим этилган маълумотлар якунлари бўйича сейсмик ва геофизик ишларни олиб бориш зарурлиги қайд этилди, дейилади матбуот хизмати хабарида.