Тошкент, Ўзбекистон (UzDaily.uz) — Тошкент вилояти Ички ишлар бош бошқармаси ҳузуридаги Тергов бошқармаси «Уч қаҳрамон» бозорида содир бўлган ёнгин бўйича жиноят ишини қўзғатди, деб хабар қилди идора матбуот хизмати.

Жиноят иши Ўзбекистон Республикаси Жиноят кодексининг 259-моддаси 2-қисми «б» банди (ёнғин хавфсизлиги қоидаларини бузиш, оғир оқибатларга олиб келиши) бўйича қўзғатилган. Ушбу моддага кўра, айбдор шахс эркинликни чеклаш ёки маълум ҳуқуқлардан маҳрум этган ҳолда 2 йилдан 5 йилгача озодликдан маҳрум этилиши мумкин.

Тошкент туманида жойлашган «Уч қаҳрамон ихтисослашган савдо мажмуаси»нинг умумий савдо майдони 20 минг квадрат метрни ташкил қилади. Ёнгин ўт очириш хизматининг тезкор ҳаракатлари туфайли 12 минг квадрат метрга яқин — яъни бозор ҳудудининг 60 фоизи оловдан сақлаб қолинди. Ҳодиса оқибатида жабрланиш ва ҳалок бўлиш ҳолатлари қайд этилмади. Шу тариқа, ёнгин тахминан 40 фоиз савдо майдонларини йўқ қилди.

Ҳозирда ёнгин келиб чиқиш сабабларини аниқлаш бўйича тергов ҳаракатлари олиб борилмоқда. Тергов якунлангач, қўшимча маълумот тақдим этилади.

Эслатиб ўтамиз, ёнгин 11 август куни тонгги пайтда рўй берган. Ёнгин ўт очириш хизмати томонидан икки соатдан ортиқ давомда ўчирилди, унга ўнта ёнғин ўчириш техникаси жалб этилди. Дастлабки маълумотларга кўра, биноларда ёнғинга қарши ҳимоя тизими мавжуд бўлмаган, дўконлар эса ёниши осон бўлган товарлар билан тўлдирилган бўлиб, бу оловнинг бозор ҳудуди бўйлаб тез тарқалишига сабаб бўлган.