Энг сўнгги янгиликлардан хабардор бўлинг
Телеграм каналимизга обуна бўлинг
Тошкент, Узбекистан (UzDaily.uz) – 2019 йил 5 апрель куни Тошкент шаҳридаги Турин политехника университетига Ким Санг Ён бошчилигидаги "Samsung Electronics" делегацияси ташриф буюрди.
Ташриф доирасида “Samsung Electronics” ҳамда Тошкент шаҳридаги Турин политехника университети ўртасида ўзаро ҳамкорлик меморандуми имзоланди.
Меморандумга кўра, компания кўмагида университетда таълимда рақамли трансформациядан фойдаланиш йўлга қўйилади.
Меҳмонлар университет лаборатория хоналари, ахборот ресурс-маркази, мехатроника ва метрология марказларини кўздан кечириб, талабаларнинг техник лойиҳалари ва инновацион ишланмалари билан танишдилар.
Манба: Олий ва ўрта махсус таълим вазирлигининг расмий телеграм канали.