Тошкент, Ўзбекистон (UzDaily.uz) -- 2016-йилнинг 13-май куни Ўзбекистон Ҳукумати Низомий номидаги Тошкент давлат педагогика университети(ТДПУ)нинг янгиланган тузилмасини тасдиқлади.

Ўзбекистон Респубоикаси Вазирлар Маҳкамасининг Қарорига кўра, ТДПУ да 8 та факультет фаолият кўрсатади:

физика-математика
табиий фанлар
педагогика, психология ва дефектология
хорижий тиллар
тарих
профессионал таълим
бошланғич таълим ва жисмоний тарбия
чақириққача ҳарбий таълим.

Қарорда қайд этилишича, ТДПУ 1-сонли Тошкент педагогика коллежи биносига кўчиб ўтади. Эслатиб ўтамиз, мазкур коллеж Тошкент шаҳрининг Чилонзор туманида жойлашган. Ҳужжатда кўрсатилишича, 2017-йилнинг 1-август кунигача университет учун қўшимча бинолар қурилади.