Тошкент аэропортида юкларни сақлаш учун автоматик жавонлар ўрнатилди

Тошкент, Ўзбекистон (UzDaily.uz) — Халқаро ва маҳаллий авиақатновлар терминалларида йўловчилар ўз юкларини ташлаб, шаҳарда вақт ўтказиши мумкин бўлган автоматик жавонлар ўрнатилди.

Халқаро терминалда юкларни сақлаш жавони:

- жўнаш терминалининг биринчи қаватида жойлашган (4чи кириш/чиқиш эшиги ёнида);

- 24/7 ишлайди;

- юкларни сақлаш нархи - багаж ҳажмига қараб 1 соат учун 15 000 сўмдан 40 000 сўмгача;

- рухсат этилган ўлчамлар: стандарт - 60х50х80 см, ўрта - 90х50х80 см ва катта - 180х50х80 см.

Маҳаллий авиақатновлар терминалидаги сақлаш жавони:

- терминал ичида учиб кетиш ва учиб келиш заллари ўртасида жойлашган;

- 24/7 ишлайди;

- юкларни сақлаш нархи соатига 10 000 сўм (барча турдаги багаж учун ягона тариф);

- рухсат этилган ўлчамлар: кичик - 43х50х34 см, стандарт - 60х50х80 см.

Автоматик юкларни сақлаш жавони учун тўлов қуйидаги тартибда амалга оширилади: сақлаш жойи танланади ва нақд пул ёки банк карталари орқали амалга оширилади. Ушбу юкларни сақлаш жойлари E-auksion.uz платформасидаги аукцион якунлари бўйича ўрнатилган.