Тошкент, Ўзбекистон (UzDaily.uz) — Мамлакатдаги энг йирик мобил банк TBC Bank Uzbekistan (TBC UZ) Global Gender-Smart Fund жамғармасидан 10 миллион АҚШ доллари миқдорида маблағ жалб қилганини эълон қилади.

Ушбу маблағлар TBC UZга молиялаштириш манбаларини диверсификация қилишни давом эттириш ва аҳоли сони бўйича Марказий Осиёнинг энг йирик давлати бўлган Ўзбекистонда молиявий хизматлардан фойдаланиш имкониятини кенгайтиришга ёрдам беради.

Молиялаштириш Global Gender-Smart Fund (GGSF) жамғармаси томонидан, унинг портфель менежерларидан бири Triple Jump орқали амалга оширилади. Жамғарма молиявий хизматлардан фойдаланишдаги қарийб 1,7 триллион АҚШ долларига баҳоланаётган глобал гендер тафовутини бартараф этишни ўз олдига мақсад қилган.

 Жамғарма молия соҳасида ижтимоий масъулиятни илгари суриш ва ривожланаётган мамлакатларда аёллар орасида молиявий имкониятларни кенгайтириш ва уларни молиявий хизматлардан фойдаланишни оширишга қаратилган.

Жалб қилинган маблағлар TBC UZ экотизимини аёллар ва тадбиркор аёлларни кредитлаш йўналишида янада ривожлантиришга сарфланади. Бу компаниянинг жаҳон даражасидаги рақамли молиявий хизматлардан тенг фойдаланишни таъминлаш орқали одамларнинг ҳаётини осонлаштириш борасидаги стратегик миссиясига тўлиқ мос келади.

"Биз  Triple Jumpни ўз ҳамкорларимиз сафида кўраётганимиздан ва янги инвестицияларни жалб қилганимиздан мамнунмиз. Бу бизга маблағлар базасини диверсификация қилишни давом эттириш ва таклиф этилаётган маҳсулотлар қаторини кенгайтиришга ёрдам беради. Биз Triple Jumpнинг ривожланаётган мамлакатларда, жумладан, Ўзбекистонда молиявий инклюзивликни ошириш бўйича интилишларини қўллаб-қувватлаймиз ва қулай рақамли банк ечимларини барча учун очиқ бўлишини истаймиз".

TBC Uzbekistan бош директори Ника Курдиани таъкидлади: "Янги moliyalashtirishni жалб этганимиздан ва Triple Jumpни ҳамкорларимиз қаторида кўриб турганимиздан хурсандмиз. Бу бизга маблағларимизни диверсификация қилишни давом эттириш ва маҳсулотлар турларини кенгайтириш га ёрдам беради. Биз Triple Jump ширкатининг ривожланаётган мамлакатларда, жумладан Ўзбекистонда, молиявий инклюзивликни ошириш бўйича саъй-ҳаракатларини қўллаб-қувватлаймиз ва қулай рақамли банк хизматларидан барча фойдалана олишини истаймиз." 

Triple Jump молиявий институтлари директори Жарри Жунг таъкидлади: "Биз TBC Bank Uzbekistan билан ҳамкорликдан ва уларнинг Ўзбекистонда масъулиятли ва инновацион рақамли банкни ривожлантириш борасидаги саъй-ҳаракатларини қўллаб-қувватлаш имкониятидан хурсандмиз. Бу аёллар ва тадбиркор аёллар учун молиявий хизматлардан фойдаланиш имкониятини оширишга алоҳида эътибор қаратишга ёрдам беради. Умид қиламизки, бизнинг GGSF жамғармаси орқали киритган сармоямиз аёлларнинг молиявий ресурслардан фойдаланиш имкониятларини яхшилаш ва миллий иқтисодиётнинг янада кенг кўламли ўсишига ҳисса қўшиш орқали сезиларли натижа беради". 

Triple Жумпъдан олинган кредит TBC UZ томонидан шу йилнинг бошида жалб қилинган маблағларни тўлдиради: FMO  (Голландия тадбиркорликни ривожлантириш банки) дан 40 миллион АҚШ доллари миқдоридаги кредит, Швейцариянинг импакт-инвестори respons Ability Investments AGдан 20 миллион АҚШ доллари миқдоридаги кредит линиялари, Швейцариянинг таъсир инвестори  BlueOrchardдан 25 миллион АҚШ доллари миқдоридаги қарз молиялаштириш ва ЕТТБдан 10 миллион АҚШ доллари миқдоридаги кредит. Шундай қилиб, 2024 йилда TBC Bank Uzbekistan томонидан капитал бозорларига жалб қилинган маблағларнинг умумий суммаси 105 миллион АҚШ долларини ташкил этди.