Тошкент, Ўзбекистон (UzDaily.uz) — "Сирдарёда бизнес қилинг!" халқаро инвестицион форуми доирасида Сирдарё вилояти ҳокими вазифасини бажарувчи Эркинжон Турдимов Тожикистон Республикасининг Ўзбекистондаги Фавқулодда ва Мухтор Элчиси Абдужаббор Азиз Раҳмонзода бошчилигидаги делегация билан учрашув ўтказди.

Учрашув чоғида икки қардош халқ ўртасидаги дўстлик ва биродарлик ришталари, стратегик шериклик алоқалари ҳамда инвестициявий ҳамкорлик истиқболлари ҳақида фикр алмашилди.

Мулоқот самимий ва дўстона руҳда ўтди. Томонлар қишлоқ ва сув хўжалиги, қайта ишлаш саноати, туризм ҳамда маданий-гуманитар йўналишлардаги ҳамкорлик имкониятларини кенгайтиришга келишиб олдилар.