Мулоқот давомида Шавкат Мирзиёев ва Алмазбек Атамбаев Ўзбекистон ва Қирғизистон ўртасидаги ҳамкорликнинг ҳолати ва ривожланиш истиқболларини муҳокама қилишди.

Қирғизистон раҳбари Шавкат Мирзиёевга икки томонлама ҳамкорликнинг долзарб масалаларига Ўзбекистон раҳбарияти томонидан алоҳида эътибор қаратилаётганига миннатдорчилик билдирди.

У шунингдек, икки мамлакат ўртасидаги қўшничилик муносабатларини мустаҳкамлаш бўйича чора-тадбирларни қўллаб-қувватлаётгани учун миннатдорчилик билдириб, қардош Ўзбекистон халқига тинчлик ва фаровонлик тилади.