Тошкент, Ўзбекистон (UzDaily.uz) -- Ўзбекистон Республикаси Президенти вазифасини бажарувчи Шавкат Мирзиёев Саудия Арабистони Подшоҳи Салмон бин Абдулазиз Ол Саудга таниқли давлат ва жамоат арбоби, Подшоҳнинг акаси, шаҳзода Турки бин Абдулазиз Ол Сауднинг вафоти муносабати билан самимий таъзия изҳор этиб мактуб йўллади ҳамда марҳумнинг оила аъзоларига ҳамдардлик ва далда сўзларини билдирди. Бу ҳақда ЎзР ТИВ Матбуот хизмати хабар беради.