Тошкент, Ўзбекистон (UzDaily.uz) — Ўзбекистон Президенти Шавкат Мирзиёев Бокуда бўлиб ўтаётган CОП29 саммити доирасида бир қатор норасмий учрашувлар ўтказди, дея хабар бермоқда давлат раҳбари матбуот хизмати.

CОП29 каби глобал саммитлар жаҳон етакчиларининг учрашув ва музокаралари учун муҳим платформа ҳисобланади, деди давлат раҳбари матбуот хизмати.

Президент Шавкат Мирзиёев Бокуда Туркия Президенти Ражаб Тоййиб Эрдўғон, Буюк Британия Бош вазири Кей Стармер, Покистон Бош вазири Шаҳбоз Шариф, Озарбайжон парламенти спикери Соҳиба Ғафарова ва ФИФА президенти Жанни Инфантино билан учрашди.

Яқин икки кун ичида Ўзбекистон Президенти ўндан ортиқ муҳим учрашув ва музокаралар ўтказиши кутилмоқда.