Тошкент, Ўзбекистон (UzDaily.uz) — Бектемир туманида, Катта ҳалқа йўлида жойлашган янги автомобилларга ёқилғи қуйиш шохобчаси Saneg тармоғидаги 20-АЁҚШга айланди.

Аввалроқ Тошкентда SEG Tasco бренди остида иккита франшиза станцияси фаолият юритган, бироқ янги АЁҚШ пойтахтда биринчи бўлиб компания томонидан тўғридан-тўғри бошқарилади.

Станция саккизта ёқилғи қуйиш колонкаси билан жиҳозланган бўлиб, кунига 1300 тагача автомобилга хизмат кўрсатиш қувватига эга. Автомобиль ҳайдовчилари учун АИ-80, АИ-92, АИ-95 ва АИ-98 маркаларини ўз ичига олган ёқилғининг тўлиқ ассортименти, шунингдек, дизель ёқилғиси мавжуд. Электромобиль эгалари учун зарядлаш станцияси ҳам кўзда тутилган.

Автомобилларга ёқилғи қуйиш шохобчасида компаниянинг Бари шаҳридаги Италиядаги заводида ишлаб чиқарилган Saneg автомобиль мойлари ассортименти тақдим этилган. Ушбу мойлар юқори халқаро стандартларга жавоб беради ва аллақачон автомобиль ҳайдовчилари орасида машҳур. Яқин вақт ичида станцияда мойларни алмаштириш учун тезкор пункт очилади, бу мижозларга автомобилларга хизмат кўрсатишда вақтни сезиларли даражада тежаш имконини беради.

Ташриф буюрувчиларга қулайлик яратиш мақсадида АЁҚШ ҳудудида қаҳвахона ва дўкон ҳам фаолият юритмоқда.

"Тошкентда биринчи станциянинг очилиши тармоқ ривожида муҳим қадам бўлди. Биз замонавий талабларга жавоб берадиган сифатли хизматлар кўрсатиш ва автомобиль ҳайдовчилари учун имкониятларни кенгайтиришга интиламиз", - деди АЁҚШ тармоғи бошқарувчиси Шоҳжаҳон Аҳмедов.

Бундан ташқари, яқин вақт ичида пойтахтда ёқилғи қуйиш мажмуаси (ЁҚМ) ёнида мултимодал ёқилғи қуйиш шохобчаси ишга туширилиши режалаштирилган бўлиб, бу шаҳар транспорт инфратузилмасини ривожлантиришда янги босқичга айланади.