Саккиз ой ичида Тошкентда 4 350 та ЙТҲ қайд этилди

Тошкент, Ўзбекистон (UzDaily.uz) — 2025 йил январь–август ойлари мобайнида Тошкент шаҳрида жами 4 350 та йўл-транспорт ҳодисаси қайд этилди. Бу кўрсаткич ўтган йилнинг шу даврига нисбатан 13% кам, 5 008 та ҳолат кузатилган эди.

Саккиз ойда энг кўп ЙТҲ Юнусобод туманида қайд этилган — 561 та. Чилонзор (555) ва Яшнобод (554) туманларида ҳам деярли шунча ҳолат содир бўлган.

Мирзо-Улуғбек туманида 475 та, Шайхонтоҳур — 363 та, Олмазор — 337 та ҳодиса рўй берган. Учтепа —316 та, Сергели — 288 та, Миробод туманида — 269 та ҳолат қайд этилган.

Бектемир туманида 217 та, Яккасарой туманида — 210 та, Янгихаёт туманида эса 205 та ЙТҲ содир бўлган.