Тошкент, Ўзбекистон (UzDaily.uz) — 20 август куни Қирғизистон президенти Садир Жапаров Ўзбекистон Президенти Администрацияси раҳбари Саида Мирзиёевани қабул қилди, деб хабар қилди давлат раҳбари матбуот хизмати.

Учрашувда томонлар икки томонлама ҳамкорлик, жумладан, маданий-гуманитар ва таълим соҳасидаги алоқаларни мустаҳкамлаш масалаларини муҳокама қилдилар. Ёшлар сиёсати соҳасидаги ўзаро ҳамкорлик, жумладан, Бишкек шаҳрида икки мамлакат ёшлари иштирокида «Заковат» интеллектуал ўйинини ташкил этишга алоҳида эътибор қаратилди.

Музокаралар якунида Садир Жапаров Саида Мирзиёевага масъулиятли давлат фаолиятида муваффақиятлар тилади.

Чоршанба куни Бишкекда Саида Мирзиёева ва Қирғизистон биринчи хоними Ойгул Жапарова иштирок этган “Дунёни яхши томонга ўзгартирувчи аёл етакчи” форуми бошланди. Кечқурун мамлакатимиз пойтахтида Заковат ўйини бўйича Осиё Кубоги финали бўлиб ўтади.