Энг сўнгги янгиликлардан хабардор бўлинг
Телеграм каналимизга обуна бўлинг
Тошкент, Узбекистан (UzDaily.uz) – Исломобод шаҳрида Ўзбекистоннинг Покистондаги элчиси Фурқат Сидиқов «Global Ambassador’s Award – 2019» мукофоти билан тақдирланди. Бу ҳақда Ўзбекистон ТИВ матбуот хизмати хабар берди.
Таъкидланишича, мукофот элчининг Покистон-Ўзбекистон муносабатларини сезиларли равишда фаоллаштиргани, биринчи навбатда икки томонлама савдони 170%га оширгани учун тақдим этилди. Шунингдек, Покистон учун янги туристик йўналиш – Ўзбекистонга «Зиёрат туризм»нинг оммалаштирилиши алоҳида қайд этилди.
Тадбир «Diplomatic Insight Group» нашри, «Покистон тинчлик ва дипломати институти» ва «Покистон-ШҲТ дўстлик форуми» томонидан ташкил этилди.
Манба: ТИВ расмий сайти.