Тошкент, Ўзбекистон (UzDaily.uz) — 2024 йил 5 ноябрда Ўзбекистон Республикаси Президентининг Афғонистондаги махсус вакили Исматулла Ирғашевнинг БМТнинг Ўзбекистонидаги доимий вакили Акико Фужии билан учрашуви бўлиб ўтди.

Суҳбат давомида Афғонистондаги жорий вазият, халқаро ҳамжамиятнинг мамлакатда гуманитар инқирознинг олдини олиш бўйича саъй-ҳаракатлари ва Термиз шаҳрида жойлашган халқаро транспорт-логистика маркази ёрдамида Афғонистонга турли гуманитар ёрдамларни этказиб бериш имкониятлари, шунингдек, Сурхондарё вилоятидаги Таълим маркази асосида афғон фуқароларини таълим ва тайёрлаш бўйича қўшма лойиҳани амалга оширишни давом эттириш масалалари бўйича фикр алмашилди.

Томонлар Ўзбекистон ҳамда БМТ институтлари ўртасида афғон муаммосини тинч йўл билан ҳал қилиш бўйича ҳаракатларни янада мувофиқлаштиришнинг аҳамиятини таъкидлаб ўтдилар.