Тошкент, Ўзбекистон (UzDaily.uz) — Sputnik мультимедиали матбуот марказида «Ўзбекистонда мавсумий ҳашаротлар ҳужумига қарши қандай курашилмоқда?» мавзусида матбуот анжумани бўлиб ўтди.

Ўзбекистон Республикаси Қишлоқ хўжалиги вазирлиги ҳузуридаги Карантин ва ўсимликлар ҳимояси агентлиги вакиллари ҳосилдорликни сақлаб қолиш бўйича кўрилган чоралар, ҳимоя қилинган қишлоқ хўжалиги ерлари ва халқаро ҳамкорлик натижалари ҳақида маълумот бердилар.

Таъкидланишича, саранчаларга қарши курашишнинг фаол даври март ойидан августгача бўлиб, бу даврда аҳоли томонидан саранча тўпланиши тўғрисида хабар бериш учун 12-88 ва 71-202-10-00 рақамлари орқали доимий равишда ишловчи «ишонч телефони» хизмати фаолият юритади.

Агентлик матбуот котиби Сабина Садинованинг айтишича, мамлакатда мавсумий зараркунандаларга қарши самарали курашишда муҳим аҳамиятга эга бўлган автоматлаштирилган мониторинг тизими жорий этилган.

Тадбир давомида халқаро ҳамкорликнинг аҳамияти ҳам алоҳида қайд этилди. Хусусан, Ўзбекистон ўсимликлар карантини ва ҳимояси соҳасида Россия билан яқин ҳамкорлик қилаётгани айтилди. Мутахассислар феромон тузоқларини биргаликда ишлаб чиқмоқда, шунингдек, ПЦР-лабораториялар жорий этилмоқда.

2024 йилда Ўзбекистон Россияга 2 миллион тоннага яқин мева-сабзавот маҳсулотлари экспорт қилган бўлиб, шундан чорак қисми aynan Россия бозорига тўғри келади. Шу билан бирга, маҳсулот турларини кенгайтириш, экспорт ҳажмини ошириш ва мутахассисларни тайёрлаш бўйича ишлар давом этмоқда.