Тошкент, Ўзбекистон (UzDaily.uz) — Ўзбекистон 2025 йилнинг январь–июль ойларида жами 6,5 минг тонна шоли импорт қилди. Умумий қиймат 2,9 миллион АҚШ долларини ташкил этди. Бу ҳақда Миллий статистика қўмитасининг дастлабки маълумотларида хабар қилинди.

Шоли етказиб берувчи асосий давлат Қозоғистон бўлиб, етти ой ичида 4,3 минг тонна маҳсулот экспорт қилди. Иккинчи ўринни 1,1 минг тонна билан Ҳиндистон эгаллади. Кейингилар — Қирғизистон (582 тонна), Покистон (186 тонна) ва Хитой (66 тонна). Қолган давлатлар ҳиссасига эса 289 тонна тўғри келди.

Шу тариқа, жорий йилда Ўзбекистонга импорт қилинган шолининг учдан икки қисмидан кўпроғини Қозоғистон таъминлади.