Тошкент, Ўзбекистон (UzDaily.uz) — Тошкент шаҳрида видеоконференция тарзида Ўзбекистон-Саудия Арабистони Ишбилармонлар кенгашининг навбатдаги йиғилиши бўлиб ўтди. Унда Ўзбекистон Республикаси Инвестициялар, саноат ва савдо вазири ўринбосари Шоҳрух Гуламов, ACWA Power директорлар кенгаши раиси ва Ишбилармонлар кенгаши ҳамраиси Муҳаммад Абунаян ҳамда икки давлат ишбилармон доиралари вакиллари иштирокида бўлиб ўтди.

Тадбир давомида турли соҳаларда, жумладан, транспорт ва автомобиль инфратузилмасини қуриш ва реконструкция қилиш, туризмни ва соғлиқни сақлашни каби соҳаларда инвестициявий ҳамкорликни кенгайтириш масалалари муҳокама қилинди.

Тегишли ташкилотлар вакиллари хорижий томонни мамлакатимизда яратилган инвестиция шароитлари, шунингдек, ҳудудлар ва тармоқлар имкониятларини таҳлили натижалари ишлаб чиқилган юқори соф жорий қийматга ва келажакда кўламини кенгайтириш имкониятларига эга истиқболли инвестиция лойиҳалари билан таништирдилар.

"Яшил энергетика" соҳасида қўшма лойиҳаларни амалга оширишга алоҳида эътибор қаратилди. Ўзбекистоннинг стратегик инвестори бўлган АСВА Повер компанияси мамлакатда қайта тикланадиган энергия манбаларини ривожлантиришда фаол иштирок этмоқда.

Ишбилармонлар кенгашининг йиғилиши икки томонлама иқтисодий муносабатлатни мустаҳкамлаш ва ўзаро манфаатли ҳамкорликни чуқурлаштириш истагини тасдиқловчи муҳим қадам бўлди.