Мазкур Баённома 2016-йилнинг 4-июль куни Бухарест шаҳрида, Ўзбекистон делегациясининг Руминияга ташрифи доирасида имзоланган эди. Эслатиб ўтамиз, келишув 1996-йил 6-июнда имзоландан эди.

Ҳужжат Ўзбекистон Республикаси Давлат солиқ қўмитаси раиси Ботир Парпиев ҳамда Жамоат молиялари вазирлигининг Бош вазири Габриэл Бирис томонидан имзоланди.

Баённома солиқларни тўлашдан бош тортишни бартараф этиш учун солиқ соҳасидаги ахборот алмашинувининг самарали механизмларини кенгайтиришга ҳамда уларни ундириб олишда амалий кўмак кўрсатишга йўналтирилган янги қоидаларни Битимга киритилишини кўзда тутади.

Мазкур халқаро шартнома солиққа оид қонунбузарликларга қарши курашишда икки томонлама ҳамкорликнинг мустаҳкамланишига ва икки давлат солиқ қонунчилигига амал қилинишини таъминлашга хизмат қилади.