Энг сўнгги янгиликлардан хабардор бўлинг
Телеграм каналимизга обуна бўлинг
Иқтисод
28/11/2017
Ўзбекистон ва Қозоғистон темирйўл маъмурияти ҳамкорлик масалаларини муҳокама қилдилар
Ўзбекистон ва Қозоғистон темирйўл маъмурияти ҳамкорлик масалаларини муҳокама қилдилар
Тошкент, Ўзбекистон (UzDaily.uz) --
Ўзбекистон ва Қозоғистон темирйўл маъмурияти вакиллари учрашув ўтказди. Бу ҳақда "Ўзбекистон темир йўллари" давлат-акциядорлик компанияси матбуот хизмати маълум қилди.
"Ўзбекистон темир йўллари" давлат акциядорлик компанияси ва "Қозоғистон темир йўллари" давлат акциядорлик компаниясининг делегациялари халқаро йўловчи ташишни ташкиллаштириш борасидаги ҳамкорлик масалаларини муҳокама қилдилар.
Йиғилиш кун тартибидаги масалалар қаторида "Йўловчи ташиш" ва “O‘ztemiryo‘lyo‘lovchi” АЖлари 2017 йилги ҳамкорликдаги иш натижалари билан танишдилар. Томонлар конструктив тарзда иш самарадорлигини ошириш йўллари ва икки мамлакат ўртасида йўловчи ташишнинг ривожланиш истиқболлари хусусида суҳбатлашди.
Темир йўл маъмурияти вакиллари ўзаро манфаатли ҳамкорликнинг бошқа бир қатор масалаларини ҳам муҳокама этдилар. Йиғилиш якунида йиғилиш баённомаси имзоланди.
СЎНГИ ЯНГИЛИКЛАР