Тошкент, Ўзбекистон (UzDaily.uz) — Инвестициялар, саноат ва савдо вазирлигида Европа комиссиясининг Яқин Шарқ, Осиё ва Тинч океани минтақаси бўйича халқаро ҳамкорлик бўйича Бош директори Петерис Устубс бошчилигидаги делегация билан учрашув бўлиб ўтди.

Суҳбат давомида томонлар Европа Иттифоқининг 2017-2027 йилларга мўлжалланган “Global Gateway” стратегияси доирасидаги ҳамкорликни фаоллаштириш масалаларини муҳокама қилишди. Ўзбекистонда рақамли трансформация, транспорт-логистика, яшил энергия соҳаларида қўшма лойиҳаларни амалга ошириш муҳимлиги таъкидланди.

Музокаралар якунида жорий йилда Транскаспий йўналиши бўйлаб жойлашган давлатлар иштирокида жорий йилда Учинчи “Европа Иттифоқи – Марказий Осиё” иқтисодий форумини ва Тошкент халқаро инвестиция форумини мамлакатимизда ўтказиш бўйича ташкилий масалалар келишиб олинди.