Тошкент, Ўзбекистон (UzDaily.uz) — Ўзбекистон ташқи ишлар вазири Баҳтиёр Саидов Афғонистон Ислом Амирлиги ички ишлар вазири вазифасини бажарувчи Халифа Сирожиддин Ҳаққони билан учрашув ўтказди.

Музокаралар давомида томонлар хавфсизлик, ҳуқуқни муҳофаза қилиш ва минтақада барқарорликни таъминлаш йўналишида икки томонлама ҳамкорликни кенгайтириш масалаларини муҳокама қилдилар.

Афғонистон Ички ишлар вазирлигининг мамлакатдаги хавфсизлик билан боғлиқ вазиятни сезиларли даражада яхшилаш ва гиёҳванд моддалар ишлаб чиқаришга қарши курашиш борасидаги саъй-ҳаракатларини алоҳида эътибор қаратилди.