Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
24/05/2018
Ўзбекистон-Озарбайжон маслаҳатлашувлари бўлиб ўтди
Ўзбекистон-Озарбайжон маслаҳатлашувлари бўлиб ўтди
Тошкент, Ўзбекистон (UzDaily.uz) --
2018 йилнинг 22-23 май кунлари Боку шаҳрида Ўзбекистон Республикаси Ташқи ишлар вазирлиги делегацияси икки томонлама муносабатларнинг шартномавий-ҳуқуқий базасини инвентаризация қилиш ва такомиллаштириш бўйича навбатдаги Ўзбекистон-Озарбайжон маслаҳатлашувларида иштирок этди. Бу ҳақда вазирлик матбуот хизмати хабар беради.
Маслаҳатлашувларда Озарбайжон томонидан Ташқи ишлар вазирлиги Халқаро ҳуқуқ ва шартномалар бошқармаси бошлиғи ўринбосари Ризван Набиев раҳбарлигидаги делегацияси қатнашди.
Музокаралар давомида кўриб чиқилаётган икки томонлама ҳужжатлар лойиҳалари юзасидан фикр алмашилди ва ҳамкорликнинг ҳуқуқий асосларини кенгайтириш истиқболлари муҳокама қилинди.
Учрашувда мавжуд салоҳиятдан кенгроқ фойдаланиш ва транспорт ҳамда транзит соҳасидаги ҳамкорликни ривожлантириш, шунингдек, икки давлат автоташувчилари учун қулай шароитлар яратиш муҳимлигини инобатга олган ҳолда томонлар автомобильда ташувлар тўғрисидаги ҳукуматлараро битим тузишга тайёр эканликларини тасдиқладилар ва уни имзолаш масаласини бўлажак икки томонлама тадбирлар доирасида амалга оширишга келишдилар.
СЎНГИ ЯНГИЛИКЛАР