Энг сўнгги янгиликлардан хабардор бўлинг
Телеграм каналимизга обуна бўлинг
Иқтисод
10/06/2016
Ўзбекистон корхоналарига GM Supplier Quality Excellence 2015 мукофоти топширилди
Ўзбекистон корхоналарига GM Supplier Quality Excellence 2015 мукофоти топширилди
Тошкент, Ўзбекистон (UzDaily.uz) --
Ўзбекистонда GM бутловчи қисмларини бутун бунё бўйлаб етказиб берувчиларга GM Supplier Quality Excellence 2015 мукофотини топшириш маросими бўлиб ўтди. Бу ҳақда “Ўзавтосаноат” АК Матбуот хизмати хабар беради.
“GM Operations Uzbekistan”нинг Президенти ва бошқарувчи директори Хектор Вилларреал, етказиб берилаётган маҳсулотларнинг сифатини ошириш ва назорат қилиш бўйича “GM International”нинг минтақадаги директори Джеуэл Ши ҳамда раҳбарият вакиллари 10 дан ортиқ мукофотларни топшириш учун “GM Uzbekistan” АЖ га бутловчи қисмларни етказиб берувчи корхоналар раҳбарлари билан учрашишди.
“Uz-TongXong Co.”, “Uz-Hanwoo”, “Uz-DongJuPaint Co.”, “Uz-Chasis”, “Uz-Sungwoo”, “Uz-SaeMyung Co.”, “Uz-EraeCable”, “Uz-Dong Won Co.”, “Uz-Erae Climate Control”, “Kwangjin Autosistems” қўшма корхоналари ва Жиззах аккумулятор заводи жамоасига мазкур мукофотлар топширилди.
Тақдирлаш маросимида сўзга чиққан Хектор Вилларреал ўзларининг сидқидилдан қилган меҳнати туфайли “GM Uzbekistan” АЖнинг муваффақиятига муносиб ҳисса қўшганлиги учун корхоналар раҳбарларига ўз миннатдорчилигини билдирди. Шунингдек компаниялар вакиллари ва Джеуэл Ши хоним иш жараёни билан танишиши мақсадида қатор корхоналарга ташриф буюрди.
СЎНГИ ЯНГИЛИКЛАР