Ўзбекистон 2024 йилнинг 11 ойида 173,8 минг телевизор экспорт қилди

Тошкент, Ўзбекистон (UzDaily.uz) — 2024 йилнинг январь-ноябрь ойларида Ўзбекистон 173,8 минг телевизор экспорт қилди, деб хабар беради Статистика агентлиги.

Мазкур даврда экспорт қилинган маҳсулотнинг умумий қиймати $33 млн ни ташкил этди.

Ўзбекистон телевизорларининг асосий импортчиси Россия бўлди, у ерга 60,7 минг дона телевизор етказиб берилди.

Иккинчи ўринда Озарбайжон турибди, у ерга 50,5 минг телевизор экспорт қилинган. Учинчи ўринда эса Туркия бўлиб, у ерга 17,1 минг дона етказиб берилган.

Шунингдек, Арманистонга 8 минг дона телевизор экспорт қилинган. Бошқа давлатларга эса 5,7 минг дона етказиб берилди.