Обид Чориtвич Адилов – 1983-йилда Бухоро вилояти Олот туманида туғилган, миллати ўзбек. 2008-йилда Тошкент автомобиль ва йўллар институти магистратурасини тамомлаган. Ўтган йиллар давомида "Ўзавтойўл" компанияси тизимидаги қатор корхона ва ташкилотларда меҳнат қилган.

Ҳозирги лавозимга тайинлангунига қадар "Автомагистрал" ихтисослашган автомобил йўлларини қуриш-таъмирлаш бирлашмаси Тошкент ҳалқа автомобил йўлидан фойдаланиш участкаси бошлиғи вазифасида ишлаган.

Эслатиб ўтамиз, "Ўзавтойўл" акциядорлик компанияси бошқаруви раисининг ўринбосари – бош муҳандиси компаниядаги автомобиль йўлларини қуриш, таъмирлаш ва эксплуатация қилиш, инвестицион лойиҳаларнинг техник назорати, шунингдек, транспорт, механизация ва техник таъминот соҳаларига раҳбарлик қилади, деб хабар беради "Ўзавтойўл" АК матбуот хизмати.