Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
30/08/2017
IUT ва ТКТИ мутахассислар тайёрлаш бўйича тажриба алмашишади
IUT ва ТКТИ мутахассислар тайёрлаш бўйича тажриба алмашишади
Тошкент, Ўзбекистон (UzDaily.uz) --
Тошкент шаҳридаги Инҳа университети (IUT) ҳамда Тошкент кимё-технология институти (ТКТИ) билим ва тажрибаларини алмашиш орқали мутахассислар тайёрлаш бўйича ҳамкорлик қилишга келишиб олишди.
Тошкент шаҳридаги Инҳа университети Ректори Сарвар Бабаходжаев ва Тошкент кимё-технология институти Ректори Шуҳрат Муталов ўзаро англашув тўғрисида меморандум имзолашди.
Меморандумни имзолаш маросими Тошкент шаҳридаги Инҳа университетининг биносида бўлиб ўтди. Тадбирда икки олий ўқув юртининг ходимлари ҳамда профессор-ўқитувчилари иштирок этишди.
Меморандум доирасида олий ўқув юртлари ўзаро илмий изланишлар ҳамда академик маълумотлар, материаллар ва мақолалар билан алмашишади.
Томонлар, шунингдек, иккита ўқув юртлари томонидан ташкил этиладиган турли семинар ва илмий кенгашларда иштирок этишади.
Маросим доирасида Тошкент кимё-технология институти маъмурияти ходимлари ҳамда профессор-ўқитувчилари Тошкент шаҳридаги Инҳа университетининг академик жараёни билан танишишди.
Шулар, шунингдек, IUT профессорлари ҳамда талабалари учун яратилган шароитлар билан яқиндан танишиш имкониятига эга бўлдилар.
СЎНГИ ЯНГИЛИКЛАР