Тошкент, Ўзбекистон (UzDaily.uz) — Дунёда ҳар йили 92 миллион тонна тўқимачилик саноати чиқитлари чиқинди полигонларига чиқариб ташланади.

Глобал миқёсида тўқимачилик соҳаси чиқитларининг 73 фоизи ёқиб юборилади ёки чиқинди полигонларига кўмилади. Бу эса катта ресурслар йўқотилиши ва атроф-муҳитнинг ифлосланишига олиб келади. 

Жаҳонда тўқимачилик тармоғи чиқиндилариниинг фақат 13 фоизигина у ёки бу усулда қайта ишланади, 1 фоиздан камроғи эса янги кийим-кечакка айланади.

Германияда ҳар йили 1 млн. тонна тўқимачилик чиқиндилари тўпланади. Тўпланган кийим-кечакнинг тахминан 60 фоизидан яна фойдаланилади, қолгани тозалаш учун ишлатиладиган материалларни тайёрлаш учун қайта ишланади. Фақат 4 фоизи кўмилади. Ўзбекистондачи? 

Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари кийим-кечаклардан қайта фойдаланиш ёки аҳоли орасида маълум бўлган “Second hand”нинг йўлга қўйилиши, шунингдек, мамлакатда кийим-кечакларнинг сараланиш ва қайта ишланиш даражасини аниқлаш мақсадида онлайн сўров ўтказмоқда. 

Ҳурматли юртдошлар! Сиздан ушбу сўровда фаол иштирок этиш ва ўз фикрингизни билдиришингизни сўраймиз.

Сўровда қатнашиш 2-3 дақиқа вақтингизни олади. 

Сиз билдирадиган фикр-мулоҳазалар кийим-кечакларни қайта ишлаш ва тўқимачилик саноатида циркульярликни таъминлаш билан боғлиқ масалаларни ҳал этиш бўйича аниқ таклифларни ишлаб чиқишда кўмак беради.

Сўровномага ўтиш