Асадхўжа Мўйдинхўжаев Ливерпулдаги бокс бўйича жаҳон чемпионатида олтин медални қўлга киритди

Тошкент, Ўзбекистон (UzDaily.uz) — Асадхўжа Мўйдинхўжаев Ливерпул шаҳрида ўтаётган бокс бўйича жаҳон чемпионатида 65 кг вазн тоифасида олтин медалга сазовор бўлди.

Ҳал қилувчи жангда ўзбекистонлик спортчи бразилиялик Юри дос Реисга қарши рингга кўтарилди. Биринчи раундни бой берганига қарамасдан, Мўйдинхўжаев жангнинг боришини ўзгартириб, кейинги икки раундда ғалаба қозонди ва жаҳон чемпиони унвонини қўлга киритди.

Асадхўжа Мўйдинхўжаев ўз фаолиятида иккинчи бор жаҳон чемпионлигига эришди.

Шу тариқа, Ўзбекистон терма жамоаси жорий жаҳон чемпионатида иккита олтин ва учта бронза медалини қўлга киритди.