«Тошшаҳартрансхизмат» Акциядорлик жамиятининг 2021 йил 28 декабрдаги 198-сонли «Янги йил байрами тантаналарини нишонланиши муносабати билан автобус йўналишлари фаолиятини ташкил этиш тўғрисида» ги буйруғига асосан, «Янги йил» байрами нишонланиши муносабати билан, 2021 йил 31 декабрь, 2022 йил 1, 2, 3, 4 ва 8 январь кунлари жамоат транспортини ташкил этиш белгиланди.

Бунга кўра:

2021 йил 31 декабрь - дам олиш куни. Шанба кунлари учун тасдиқланган жадвал асосида, иш вақтининг тугаши 1 (бир) соатга узайтирилмоқда;

2022 йил 1 январь - дам олиш куни. Якшанба кунлари учун тасдиқланган жадваллар сони 40% га камайтирилган ҳолда ишга чиқарилиши режалаштирилган;

2022 йил 2 январь - дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;

2022 йил 3 январь - дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;

2022 йил 4 январь - дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;

2022 йил 8 январь -шанба, иш куни. Иш кунлари учун тасдиқланган жадваллар бўйича ҳаракатини давом эттириши белгилаб қўйилди.