Аввал хабар берганимиздек, жорий йилнинг 30 июнь куни Испаниянинг Бильбао портидан 2 та локомотив ва 11 та вагон, шунингдек, алоҳида яна 4 та вагон ортилган кема июль ойининг биринчи ўн кунлигида Россиянинг Санкт Петербург портига етиб келганди.

«Ўзбекистон темир йўллари» АЖ мутахассислари россиялик ҳамкасблари билан ҳамкорликда мазкур замонавий поездни мамлакатимизга олиб келишга ҳозирладилар.

2021 йил 20 июль куни «AFROSIYOB» поезди Санкт Петербург шаҳридан Ўзбекистонга қараб йўлга чиқди.

Бундан 10 йил илгари, анироғи 2011 йилда юртимизга биринчи юқори тезликда ҳаракатланувчи «AFROSIYOB» замонавий поезди олиб келинган эди.

Яна саноқли кунлардан сўнг мамлакатимизда бундай поездлар сони бештага етади.