Айни пайтда юртимизда 5 турдаги вакцинадан эмлаш жараёнларида фойдаланилмоқда.

Ярим йил давомида 21 млн.га яқин доза вакцина қўлланилган бўлса, шундан 78 фоизи ZF-UZ-VAC 2001 вакцинасидир.

2 октябрь ҳолатига жами қўлланилган ZF-UZ-VAC2001 вакцинаси 16 120 621  дозага етган.

Шу пайтга қадар Ўзбекистонга 20 499 668 миллион доза ZF-UZ-VAC2001 вакцинаси келтирилган.  Шунингдек, ушбу вакцинани юртимизда ишлаб чиқариш ҳам йўлга қўйилди.

Эслатиб ўтамиз, куни кеча «Jurabek Laboratories» қўшма корхонаси ZF-UZ-VAC2001 вакцинасининг 1 458 820 дозасини Санитария-эпидемиологик осойишталик ва жамоат саломатлиги хизмати вакилларига топширди.

Айни пайтда 2,6 миллион нафардан ортиқ юртдошимиз ўзбек-хитой вакцинаси билан тўлиқ эмланган.