2025 йил Хитой–Марказий Осиё Ўзбекистон савдо кўргазмаси – минтақавий ҳамкорликнинг янги “кўк чизмаси”ни биргаликда яратамиз

Тошкент, Ўзбекистон (UzDaily.uz) — 2025 йил 11 сентябрь куни Тошкент шаҳрида Хитой халқаро савдони ривожлантириш кенгаши томонидан ташкиллаштирилган “2025 йил Хитой – Марказий Осиё Ўзбекистон савдо кўргазмаси” матбуот анжумани бўлиб ўтди.

Анжуманда Халқаро савдони ривожлантириш бўйича Хитой кенгашининг Қозоғистондаги ваколатхонаси ҳамда Ўзбекистон Савдо-саноат палатаси вакиллари иштирок этиб журналистлар саволларига жавоб бердилар. 2025 йил Хитой – Марказий Осиё Ўзбекистон савдо кўргазмаси 16–18 сентябрь кунлари Ўзбекистоннинг Тошкент халқаро кўргазма марказида ўтказилади.

Мустаҳкам асос: Хитой – Ўзбекистон дўстлик ва ҳамкорлик алоқаларининг самарали натижалари

Хитой ва Ўзбекистон 1992 йилда дипломатик муносабатларни ўрнатганидан бери икки мамлакат ўртасидаги дўстлик «дарахти» янада чуқур илдиз отиб, шохлари кенг ёйилди. Ҳар икки давлат ўзаро ҳурмат, яхши қўшничилик, ўзаро ёрдам ва манфаатли ҳамкорлик тамойилларига амал қилиб, барча соҳаларда амалий натижаларга эришди. Хитой кетма-кет бир неча йилдан бери Ўзбекистоннинг биринчи йирик савдо ҳамкори ва асосий инвестиция манбаи бўлиб келмоқда.

2025 йил июнь ойида Иккинчи Хитой–Марказий Осиё саммити муваффақиятли ўтказилди. Хитой Халқ Республикаси Раиси Си Сзинпин ва Ўзбекистон Президенти Шавкат Мирзиёев ҳамда бошқа етакчилар биргаликда “Абадий яхши қўшничилик ва дўстона ҳамкорлик тўғрисида шартнома”ни имзоладилар. Бу ташаббус “Бир макон, бир йўл”ни Ўзбекистоннинг “2030 стратегияси” билан чуқур уйғунлаштиришга кучли туртки бериб, икки мамлакат келажакдаги ҳамкорлигига йўналиш кўрсатди ва улкан қувват бахш этди.

2025 йил 31 август куни Шанхай Ҳамкорлик Ташкилотига аъзо давлатлар раҳбарлари кенгашининг йигирма бешинчи мажлиси Тянсзин шаҳрида бўлиб ўтди. «Хитой–Қирғизистон–Ўзбекистон» темир йўл ва автомобиль комбинациялашган халқаро транспорт йўналиши ишга туширилгач, Хитой ва Марказий Осиё ўртасидаги савдо алоқалари тобора мустаҳкамланди. Бу эса ШҲТ мамлакатлари минтақавий ҳамкорлигининг тез суръатлар билан ривожланишининг ёрқин намунасига айланди. Мажлис давомида Хитой ва Ўзбекистон етакчилари амалий ҳамкорликни чуқурлаштириш борасида кенг ва чуқур келишувларга эришдилар. Айниқса, транспорт-логистика алоқалари, савдо ва инвестициялар ҳамда рақамли технологиялар соҳасида ҳамкорликни ривожлантириш икки мамлакат савдо алоқаларига муҳим сиёсий йўналиш ва янги имкониятларни тақдим этди.

Ҳозирда Хитой ва Ўзбекистон давлатлари “Хитой–Марказий Осиё руҳи” йўл-йўриғи асосида очиқлик, бағрикенглик, ҳамкорлик ва ўзаро манфаат тамойилларига содиқ қолиб, савдо алоқаларининг эркин ривожи, саноат инвестициялари ва яшил тараққиёт каби соҳаларда ҳамкорлик доирасини кенгайтириб бормоқда. Бу эса мазкур савдо кўргазмасини ўтказиш учун мустаҳкам пойдевор яратди.

Кўргазманинг асосий жиҳатлари: учта хусусият ҳамкорликни янги босқичга олиб чиқади

 2025 йил Хитой–Марказий Осиё Ўзбекистон савдо кўргазмаси Хитой–Ўзбекистон дўстона ҳамкорлигини амалда рўёбга чиқаришнинг муҳим ифодаси бўлиб, қуйидаги учта асосий хусусиятга эга:

Кенг кўламли ва кўп тармоқли қамров.

Кўргазманинг ёпиқ павильон майдони 4000 квадрат метр, очиқ майдони эса 800 квадрат метрни ташкил этади, иштирокчи корхоналар сони эса 200 га яқин. Унда еттита асосий бўлим ташкил этилади: Миллий имиж кўргазма ҳудуди, ақлли ишлаб чиқариш ва саноат ускуналари бўлими, яшил энергия ва энергия сақлаш тизимлари бўлими, ақлли қурилмалар ва электрон технологиялар бўлими, ақлли транспорт ва автомобиль қисмлари бўлими, ақлли қурилиш ва экологик материаллар бўлими ҳамда рақамли савдо ва хизматлар савдоси бўлими. Бу нафақат Хитойнинг юқори даражадаги ишлаб чиқариш ва замонавий хизмат кўрсатиш соҳаларидаги салоҳиятини тўлиқ намойиш этади, балки Ўзбекистон ва бошқа Марказий Осиё мамлакатларининг иқтисодий ривожланиши ҳамда саноатни модернизация қилишнинг устувор йўналишларига ҳамоҳанг бўлиб, кўплаб янги бизнес имкониятларини тезлаштириб юзага чиқариши кутилмоқда.

Илғор янгиликлар уйғунлашуви, технологик инновациялар замон руҳини белгилайди. Ушбу кўргазмада иштирокчилар сафи ниҳоятда кучли бўлиб, "Gree", "Hisense" каби тармоқ етакчи компаниялари, шунингдек, "Zhejiang Hangcha" каби тор соҳалардаги лидерлар жам бўлган. Кўргазмада тақдим этиладиган маҳсулотлар доираси кенг бўлиб, улар юқори технологияли ишлаб чиқариш, ақлли технологиялар ва яшил энергия каби илғор соҳаларни қамраб олади. Бу Хитой компанияларининг технологик инновациялар ва саноат модернизациясидаги юксак ютуқларини тўлиқ намойиш этади. Бу нафақат Ўзбекистон ва Марказий Осиё мамлакатлари корхоналари учун Хитой технологиялари ва маҳсулотларини яқиндан билиш имконини берувчи муҳим дераза бўлиб хизмат қилади, балки икки томонлама савдо-иқтисодий ҳамкорлик ва технологик алмашинувни янада юқори босқичга олиб чиқишга кучли туртки беради. Ушбу кўргазмада юқори технологияли корхоналар ва ўз брендларига эга инновацион субъектларнинг улуши катта бўлиб, "DEEP Robotics", "Ruhr IoT" ва "Tianjin Huabang" каби компаниялар биомиметик роботлар, ақлли сезгир терминаллар ва ақлли қадоқлаш тизимлари каби илғор ютуқларини тақдим этдилар.

Тадбирлар бой, чуқур мулоқот майдони яратилмоқда. Кўргазма маҳсулотлар намойиши, бизнес музокаралари, хизматлар тажрибаси ва технологиялар алмашинувини ўзида мужассам этган комплекс халқаро платформани шакллантиришга интилади. Кўргазмадан ташқари, махсус қўшимча тадбирлар ҳам пухта режалаштирилган. 16 сентябрь куни очилиш маросими ва Хитой–Ўзбекистон савдо ва инвестиция форуми бўлиб ўтади. Унда икки мамлакат сиёсий доира вакиллари, соҳа уюшмалари, иштирокчи компаниялар, харидорлар ва ОАВ вакиллари иштирок этадилар. Кўргазма давомида яна Хитой брендлари бўйича талаб ва таклиф анжумани, тармоқ тақдимоти ва учрашувлари каби тадбирлар ҳам ташкил этилади. Тадбирлар чоғида талаб ва таклиф рўйхатлари жойида эълон қилинади, Хитой ва Ўзбекистон савдо алоқалари эҳтиёжлари аниқ мослаштирилади ҳамда ўзаро манфаатли ҳамкорликка эришилади.

Чуқур таъсир: Хитой–Ўзбекистон савдо-иқтисодий ҳамкорлигини янги босқичга кўтариш

Ушбу кўргазма нафақат Хитой корхоналари учун дунё бозорига чиқишнинг муҳим ойнаси, балки Ўзбекистон ва Марказий Осиё минтақасидаги корхоналар учун Хитойни яқиндан билиш ва ҳамкорлик имкониятларини излашнинг муҳим майдонидир. Турли соҳаларда ҳамкорлик кўприкларини барпо этиш орқали Хитой–Ўзбекистон икки томонлама савдо-иқтисодий ривожига туртки берилади; “Хитой брендлари”нинг Марказий Осиё бозорига чиқишига кўмаклашилади. Шу билан бирга, кўргазма “Бир макон, бир йўл” ташаббуси доирасида икки мамлакат ҳамкорлик алоқаларига янги ҳаёт бахш этади, саноат модернизацияси ва глобаллашув жараёнида ҳамкорликни ривожлантиради.

Ташкилотчилар Ўзбекистон ҳукумати идоралари, савдо-саноат уюшмалари, ОАВ ҳамда жамият вакилларини 2025 йил Хитой–Марказий Осиё Ўзбекистон савдо кўргазмасига ташриф буюришга чорлайди. Ўзбекистоннинг етакчи ОАВлари мазкур кўргазма ва унга оид тадбирларни тўлиқ ҳамда чуқур ёритишга таклиф қилинадилар, бу эса кўпроқ ташриф буюрувчиларни жалб қилади, мутахассислар ва кенг жамоатчиликка Хитой маҳсулотларини ҳар томонлама таништиради ҳамда икки томонлама муносабатларнинг янада яқинроқ ягона тақдир ҳамжамиятига айланишини тезлаштиради.