Тошкент, Ўзбекистон (UzDaily.uz) — 2025 йил 1 июлдан Ўзбекистонда уй-жой қурилиши соҳасида эскроу-ҳисоблар тизими жорий этилади. Бу ҳақда қурилиш ва уй-жой-коммунал хўжалиги вазири Шерзод Хидоятов маълум қилди.

Унинг таъкидлашича, тизимни ишга тушириш доирасида Молия ҳамда Иқтисодiyot ва молия вазирликлари ҳузурида махсус ишчи гуруҳ ташкил этилмоқда. Ушбу гуруҳга Россиянинг «Дом.РФ» компаниясида иш тажрибасига эга мутахассислар жалб қилинган.

Тизим учун мўлжалланган рақамли дастурий таъминот ишлаб чиқилиб, ҳозирги пайтда синовдан ўтказилмоқда.

РИА Новости ахборотига кўра, вазир Шерзод Хидоятов эскроу-ҳисоблар тизими режа асосида 1 июлдан иш бошлашини ва бу орқали долзарб масала — қурилиш соҳасида аҳоли, айниқса, дольщиклар ҳуқуқларини ҳимоя қилиш, шунингдек, фирибгарлик ҳолатларини камайтириш мумкинлигини таъкидлади.

Ушбу баёнот Тошкентда 10–12 июнь кунлари бўлиб ўтаётган IV Тошкент халқаро инвестиция форуми доирасида берилди. Форум ҳар йили 100 дан ортиқ давлатдан 3 минг нафардан зиёд иштирокчини бирлаштиради.