Toshkent, O‘zbekiston (UzDaily.uz) — 2025-yil 13-avgust kuni “Toshkent – Samarqand” yo‘nalishida yuqori tezlikdagi alohida yo‘lovchi tashish temir yo‘lini qurish loyihasining texnik-iqtisodiy asoslarini ishlab chiqish jarayoni muhokama etildi.

Eslatib oʻtamiz, joriy yilning 14-fevral kuni “Toshkent – Samarqand” yo‘nalishida yuqori tezlikdagi alohida yo‘lovchi tashish temir yo‘lini qurish loyihasining texnik-iqtisodiy asoslarini (TIA) ishlab chiqish jarayonlariga “start” berilgan edi.

Transport vaziri o‘rinbosari J. Choriyev, “O‘zbekiston temir yo‘llari” AJ rahbariyati, “Korea Eximbank” hamda “Saman Engineering” kompaniyasi o‘rtasida loyihaning TIAsini ishlab chiqish doirasida amalga ishlar yuzasidan uchrashuv bo‘lib o‘tdi.

Uchrashuvda yangi temir yo‘l trassasi, temir yo‘l infratuzilma obyektlari joylashuvi va boshqa masalalar muhokama qilindi.