Toshkent, O‘zbekiston (UzDaily.uz) — Tojikiston Respublikasi Oliy Majlisi Namoyandagon Majlisi (parlamentning quyi palatasi) deputatlari Tojikiston, O‘zbekiston va Qirg‘iziston o‘rtasidagi davlat chegaralari tutash nuqtasi to‘g‘risidagi davlatlararo shartnomani ko‘rib chiqib, ratifikatsiya qildi. Bu haqda mamlakat milliy axborot agentligi “Xovar” parlament matbuot xizmatiga tayanib xabar berdi.

Shartnoma 2024 yil 31 mart kuni Xo‘jand shahrida Tojikiston Prezidenti Emomali Rahmon, Qirg‘iziston Prezidenti Sadir Japarov va O‘zbekiston Prezidenti Shavkat Mirziyoyev ishtirokidagi uch tomonlama uchrashuv doirasida imzolangan edi. Hujjat uch qo‘shni davlat o‘rtasidagi umumiy chegarani rasman va yuridik jihatdan rasmiylashtirib berdi.

Tojikiston Respublikasi Prezidenti Emomali Rahmon mazkur kelishuvni tarixiy voqea deb atadi va yangilangan chegarani uch davlat o‘rtasidagi abadiy do‘stlik, yaqin qo‘shnichilik va samarali hamkorlik ramzi sifatida qayd etdi.

Shartnomaning Tojikiston parlamentida ratifikatsiya qilinishi o‘zaro siyosiy iroda, mintaqaviy barqarorlikni mustahkamlash, ishonchni kengaytirish va Markaziy Osiyoda hamkorlikni rivojlantirish uchun mustahkam poydevor yaratishga intilishni tasdiqlaydi.