Toshkent, O‘zbekiston (UzDaily.uz) — Silk Avia aviakompaniyasi o‘zining rasmiy Telegram-kanalida maʼlum qilishicha, ikki oy davomida mamlakatning bir nechta yo‘nalishlariga parvozlar bekor qilinadi.

Aviakompaniya tushuntirishicha, sentyabr va oktyabr oylarida parvozlarni bekor qilish texnik sabablar bilan bog‘liq.

Xususan, vaqtincha quyidagi yo‘nalishlar bo‘yicha reyslar amalga oshirilmaydi: Toshkent — Termiz — Toshkent (reyslar US753/754 va US757/758), Toshkent — Namangan — Toshkent (US501/502), Toshkent — Buxoro — Toshkent (US801/802), Toshkent — Farg‘ona — Toshkent (US401/402) hamda Toshkent — Navoiy — Toshkent (US851/852).

Yo‘lovchilar avvaldan xarid qilingan chiptalar uchun to‘liq mablag‘ni qaytarib olishlari yoki kompaniyaning boshqa reyslariga bo‘sh o‘rinlar mavjud bo‘lgan taqdirda qayta bron qilish imkoniyatidan foydalanishlari mumkin.

Silk Avia yetkazilgan noqulayliklar uchun uzr so‘rab, yo‘lovchilarning tushunchi bilan yondashishiga umid bildirdi va aviaparvozlar xavfsizligi kompaniya uchun asosiy ustuvor yo‘nalish bo‘lib qolishini alohida taʼkidladi.