Toshkent, O‘zbekiston (UzDaily.uz) — 27 avgust kuni Rossiya tashqi ishlar vaziri Sergey Lavrov va O‘zbekiston Respublikasi tashqi ishlar vaziri Baxtiyor Saidov o‘rtasida telefon orqali muloqot bo‘lib o‘tdi.

Tomonlar Rossiya-O‘zbekiston munosabatlarini rivojlantirishning asosiy masalalari yuzasidan fikr almashdilar, shuningdek, xalqaro kun tartibining dolzarb jihatlari va mintaqaviy xavfsizlik masalalarini muhokama qildilar, deya xabar beradi Rossiya TIV.

Suhbat muhim xalqaro uchrashuvlar arafasida bo‘lib o‘tdi: 31 avgust – 1 sentyabr kunlari Xitoyda o‘tkazilishi rejalashtirilgan Shanxay hamkorlik tashkilotiga a’zo davlatlar Davlat rahbarlari kengashi yig‘ilishi va 9 oktyabr kuni Tojikistonda bo‘lib o‘tadigan “Rossiya-Markaziy Osiyo” ikkinchi sammiti.

Vazirlar Rossiya va O‘zbekiston o‘rtasidagi har tomonlama strategik sheriklik va ittifoqchilik munosabatlarini mustahkamlash bo‘yicha izchil hamkorlikdagi ishlarga sodiq ekanliklarini tasdiqlab, ikki davlat rahbarlari o‘rtasida avval erishilgan kelishuvlarni amalga oshirish muhimligini ta’kidladilar.