Toshkent, O‘zbekiston (UzDaily.uz) — 2025 yilning yanvar oyida O‘zbekiston dunyoning eng yirik oltin xaridori bo‘ldi. Bu haqda Jahon Oltin Kengashi (WGC) maʼlum qildi.

Yil boshida global moliyaviy regulyatorlar qimmatbaho metallga bo‘lgan qiziqishni saqlab qoldi, jami 18 tonna oltin sotib olindi. WGC maʼlumotlariga ko‘ra, geosiyosiy xatarlar oshishi fonida oltinga bo‘lgan talab strategik ahamiyat kasb etmoqda.

O‘zbekiston Markaziy banki 8 tonna oltin sotib olib, uning xalqaro zaxiralardagi ulushini 82%ga (391 tonna) yetkazdi. Ikkinchi o‘rinda Xitoy banki joylashdi – u 5 tonna oltin sotib olib, zaxirasini 2285 tonna (6% aktivlar) ga yetkazgan. Kazaxstan 4 tonna sotib olib, uchinchi o‘rinni egalladi. Keyingi o‘rinlarda Polsha va Hindiston (3 tonnaga), Chexiya (2 tonna) va Qatar (1 tonna) turibdi.

Rossiya va Iordaniya markaziy banklari 3 tonnalik, Qirg‘iziston esa 2 tonnalik oltinni sotgan eng yirik yetkazib beruvchilar qatoriga kirdi.

O‘zbekistonning umumiy xalqaro aktivlari $1,72 milliardga o‘sib, $43 milliardlik rekord darajaga yaqinlashdi. Shu bilan birga, oltin zaxirasining qiymati $35 milliarddan oshib, tarixiy eng yuqori ko‘rsatkichga yetdi, ammo valyuta zaxiralari ancha qisqargan.