Toshkent, O‘zbekiston (UzDaily.uz) — 11 avgust kuni O‘zbekiston Respublikasi Tashqi ishlar vaziri Baxtiyor Saidov Tojikistonning O‘zbekistondagi Favqulodda va Muxtor Elchisi Abdujabbor Rahmonzoda bilan uchrashuv o‘tkazdi.

Uchrashuvda ikki davlat oʻrtasidagi doʻstlik, yaxshi qoʻshnichilik, ittifoqchilik va strategik sheriklik munosabatlarini mustahkamlash masalalari muhokama qilindi.

Savdo-iqtisodiy hamkorlikni kengaytirish, muntazam almashinuvni rag‘batlantirish, shuningdek, mintaqaviy xavfsizlik va barqaror taraqqiyot sohasidagi o‘zaro hamkorlikni chuqurlashtirishga alohida e’tibor qaratildi.