Toshkent, O‘zbekiston (UzDaily.uz) — Sudlar tomonidan joriy yilning 9 oyida birinchi bosqichda 2 195 439 ta ish va materiallar ko‘rib chiqildi.

Jumladan, belgilangan muddatda 44 758 ta jinoyat ishi, jinoyat ishlariga doir 97 195 ta material ko‘rib chiqildi.

Shuningdek, sudlar tomonidan 449 984 ta ma’muriy huquqbuzarlik to‘g‘risidagi ish va 164 953 ta tegishli materiallar bo‘yicha qarorlar chiqarilgan.

Fuqarolik protsessida 386 683 ta ish, 732 055 ta sud buyrug‘i qayd etilgan.

Hisobot davrida xo‘jalik sudlari tomonidan 307 572 ta ish, 586 ta sud buyrug‘i ko‘rib chiqildi.

Shuningdek, sudlar tomonidan ommaviy-huquqiy munosabatlarga taalluqli 11 ming 330 ta ma’muriy ish va 323 ta material ko‘rib chiqildi.

2023-yilning shu davriga nisbatan qiyosiy tahlil jinoyat ishlari 3,2% ga, ma’muriy huquqbuzarliklar 5,7% ga oshganini ko‘rsatmoqda. Fuqarolik ishlari va sud qarorlari soni 55,7% ga, iqtisodiy ishlar 41,4% ga oshdi.

Shu bilan birga, ommaviy-huquqiy munosabatlar bilan bog‘liq ma’muriy ishlar soni 3,4% ga kamaydi.