Toshkent, O‘zbekiston (UzDaily.uz) — 2025-yil 1-yanvar holatiga ko‘ra, O‘zbekiston tijorat banklarining umumiy kapitali 114,79 trln so‘mga yetdi. Bu haqda mamlakat Markaziy banki ma’lumotlarida keltirilgan.

Ushbu summaning 70,17 trln so‘mi yoki 61% davlat ulushiga ega banklar hissasiga to‘g‘ri keladi.

Nodavlat banklarning kapitali esa 44,62 trln so‘mni tashkil etib, bu umumiy bank sektori kapitalida 39% ulushga ega.

Eng yirik kapitalga ega uchta bank: O‘zmilliybank – 18,86 trln so‘m (16%), Agrobank – 12,43 trln so‘m (11%), O‘zsanoatqurilishbanki – 10,02 trln so‘m (9%).

To‘rtinchi va beshinchi o‘rinlarni Asaka bank va Xalq banki egallab, har biri 8 trln so‘mlik kapitalga ega bo‘lib, bu bank sektori umumiy kapitalida 7% ulushni tashkil etadi.

Nodavlat banklar orasida eng katta kapitalga ega bo‘lgan banklar: Ipoteka bank – 7,34 trln so‘m (6%), Kapitalbank – 5,22 trln so‘m (5%), Hamkorbank – 5,16 trln so‘m (4%).