Toshkent, O‘zbekiston (UzDaily.uz) — 2024-yil yakuniga ko‘ra, «Navoiyuran» kompaniyasi ishlab chiqarish hajmini 13,7 trln so‘mgacha oshirib, 2023-yilga nisbatan ikki baravar o‘sishga erishdi. Bu haqda korxona matbuot xizmati xabar berdi.

Kompaniya yil davomida 125,9 mln AQSH dollari miqdorida investitsiyalarni o‘zlashtirib, 122 ta yangi ish o‘rni yaratdi. Shuningdek, xarajatlarni optimallashtirish orqali mahsulotning tannarxi 457,2 mlrd so‘mga kamaytirildi.

Lokalizatsiya dasturi doirasida «Navoiyuran» 58,7 mlrd so‘mlik mahsulot ishlab chiqardi, bu o‘tgan yilga nisbatan 132,1% ko‘pdir.

Kompaniya tomonidan to‘langan soliqlar hajmi 4,6 trln so‘mni tashkil etib, «Navoiyuran» 2024-yil yakunlari bo‘yicha O‘zbekistondagi uchta eng yirik soliq to‘lovchi korxonalar qatoriga kirdi.