Toshkent, O‘zbekiston (UzDaily.uz) — Yaponiya xalqaro hamkorlik agentligi (JICA) BMT Taraqqiyot Dasturiga o‘quv markazi uchun asbob-uskunalar sotib olish va aholining ijtimoiy himoyaga muhtoj qatlamlari uchun kasbiy ko‘nikmalar va tadbirkorlik bo‘yicha treninglar o‘tkazish uchun 496 million yen miqdorida grant ajratdi.

JICAning O‘zbekistondagi vakolatxonasi xabariga ko‘ra, loyiha oʻzbek yoshlari va ayollari, Surxondaryo viloyatidagi afgʻon fuqarolari hamda Afgʻonistonning chegaradosh hududlarida yashovchi afgʻon ayollarining iqtisodiy mustaqilligini qoʻllab-quvvatlash va ish oʻrinlarini yaratish, shu orqali Afgʻoniston fuqarolari yashaydigan hududning iqtisodiy tiklanishi va ijtimoiy barqarorlashuviga hissa qo’shishga qaratilgan.