Toshkent, O‘zbekiston (UzDaily.uz) — Farg‘ona viloyatining Rishton tumanida yo‘l-transport hodisasi sodir bo‘ldi: haydovchi boshqaruvidagi “Malibu-2” rusumli yo‘lovchi avtomobili ehtiyotsizlik tufayli yo‘ldan chiqib ketib, Katta Farg‘ona kanaliga tushib ketdi.

Favqulodda vaziyatlar vazirligi matbuot xizmati xabariga ko‘ra, hodisa haqidagi xabar tuman bo‘limiga soat 15:40 da kelib tushgan. Voqea joyiga zudlik bilan qutqaruv xizmatlari jo‘natildi. Favqulodda vaziyatlar vazirligi xodimlari tomonidan vazirlik tizimidagi tegishli tashkilotlar ko‘magida maxsus texnika va mexanizmlar yordamida avtomashinani suvdan chiqarib oldi.

Dastlabki ma’lumotlarga ko‘ra, hodisa oqibatida qurbonlar yo‘q. Hozirda hodisaning barcha holatlariga oydinlik kiritish uchun tergov harakatlari olib borilmoqda.