Eng so'nggi yangiliklardan xabardor bo'ling
Telegram kanalimizga obuna bo'ling
Bugun "Do'stlik" O'zbekiston-Hindiston qo'shma harbiy mashg'ulotlarining navbatdagi davrasi boshlanadi
(Surat: “Dunyo” AA)
Toshkent, O‘zbekiston (UzDaily.uz) — Bugun Hindistonning Puna shahridagi "Aundh" xalqaro mashg'ulotlar bazasida VI "Do'stlik" O'zbekiston-Hindiston qo'shma harbiy mashg'ulotlari boshlanmoqda, deb xabar qilyapti "Dunyo" AA muxbiri.
Seshanba kuni erta tongda navbatdagi qo'shma mashg'ulotlarda ishtirok etish uchun O'zbekiston harbiylari delegatsiyasi Hindistonga yetib keldi.
2019-yildan beri muntazam tarzda tashkil etib kelinayotgan mazkur o'quv mashg'ulotlari ikki mamlakat o'rtasidagi harbiy hamkorlikni rivojlantirish va mustahkamlash maqsadlariga qaratilgan.
Ular O'zbekiston va Hindistonda navbatma-navbat har yili o'tkazilmoqda. Xususan, 2024-yilda O'zbekiston va Hindiston harbiy mutaxassislari V "Do'stlik" mashg'ulotlari doirasida "Termiz" harbiy poligonida mahorat oshirgan edi.
Qo'shma mashg'ulotlar 28-aprelgacha davom etadi.